ជនជាតិទួរគីម្នាក់ ដេកស្លាប់ ផ្ទះសំណាក់ HAPPY ZONE INN បណ្តាលមកពីមានជំងឺសួត
22-June-2018 | ដោយ ពលមនសិការ
សៀមរាប៖ នៅវេលាម៉ោងប្រហែល១១និង៣០នាទី ថ្ងៃទី២២ ខែមិថុនា ឆ្នាំ២០១៨ នគរបាលបានទទួលព័ត៌មានពីប្រជាពលរដ្ឋថានៅចំណុចផ្ទះសំណាក់ HAPPY ZONE INN បន្ទប់លេខ៧ ស្ថិតនៅភូមិ មណ្ឌល១ សង្កាត់ ស្វាយដង្គំ ក្រុង/ខេត្តសៀមរាប មានជនបរទេសម្នាក់បានស្លាប់។
ភ្លាមៗនោះកម្លាំងនគរបាលជំនាញ បានចុះទៅដល់កន្លែងកើតហេតុធ្វើការពិនិត្យបានឲ្យដឹងថា ជនរងគ្រោះមានឈ្មោះ SAVASER BORA ភេទប្រុស កើតឆ្នាំ១៩៦៤ ជនជាតិទួរគី មុខរបរម៉ៅការសំណង់បានដេកស្លាប់នៅក្នុងបន្ទប់ទឹក។
តាមការបញ្ជាក់របស់ម្ចាស់ផ្ទះបានឲ្យដឹងថាថ្ងៃកើតហេតុដោយមិនឃើញជនរងគ្រោះចេញពីបន្ទប់ខ្លួនក៏បានដើរទៅគោះទ្វារតែពុំមានសម្លេងឆ្លើយតបខ្លួនមានការសង្ស័យក៏បានដើរទៅអើតមើលតាមបង្អួចស្រាប់តែឃើញជនរងគ្រោះដេកស្លាប់នៅក្នុងបន្ទប់ទឹកឃើញដូចនេះខ្លួនក៏បានរាយការណ៍ជូនសមត្ថកិច្ច។
ផ្អែកតាមការស្រាវជ្រាវរបស់សមត្ថកិច្ចជំនាញនិងការពិនិត្យរបស់លោកវេជ្ជបណ្ឌិត អ៊ិត ឆបឆរ័ត្ន គ្រូពេទ្យអមតុលាការបានសន្និដ្ឋានថា ជនរងគ្រោះបានស្លាប់អំឡុងម៉ោងប្រហែល២៣ ថ្ងៃទី២១ ខែមិថុនា ឆ្នាំ២០១៨ ដោយជំងឺមហារីកសួត។
បច្ចុប្បន្នសាកសពកំពុងរៀបចំបញ្ជូនទៅតម្កល់ទុកបណ្តោះអាសន្ននៅមន្ទីរពេទ្យមិត្តភាពខ្មែរសូវៀត(ពេទ្យរុស្ស៊ី)រាជធានីភ្នំពេញតាមសំណូមពររបស់តំណាងស្ថានទូត ៕
ចំនួនអ្នកទស្សនា
- ថ្ងៃនេះ5021
- ម្សិលមិញ9421
- សប្តាហ៍នេះ60681
- ខែនេះ175831
- ឆ្នាំនេះ175831
- សរុប20618287